విదేశీ పర్యటనలో భాగంగా ప్రధానమో ఈజిప్టులో పర్యటిస్తున్నారు. కైరోలోని 11 శతాబ్ధపు నాటి చారిత్రక కట్టడం అల్ అఖీమ్ మసీదును ప్రధాని మోదీ ఆదివారం సందర్శించారు. కాగా మూడు నెలల క్రితమే భారత దేశానికి చెందిన దావూదీ బోహ్రా కమ్యూనిటీ సహాయంతో ఈ మసీదును పునరుద్ధరించారు. ప్రధాని మోదీ మసీదును కలియ తిరుగుతూ సందర్శించారు. ఈ మసీదును 1012లో నిర్మించారు. వెయ్యేండ్ల చరిత్రగల ఈ మసీదు గోడలపై చెక్కిన శాసనాలు ఇప్పటికీ చెక్కు చెదరకుండా ఉన్నాయని ప్రధాని మోదీ ప్రశంసించారు.
కాగా..గుజరాత్‌లోని చాలా యేండ్లుగా ఉంటున్న బొహ్రా కమ్యూనిటీతో ప్రధాని మోదీ సన్నిహిత సంబంధాలున్నాయి. మోదీ ఈ మసీదు సందర్శనకు ఇది కూడా ఓ ముఖ్యకారణం. ఈ మసీదు బొహ్రా కమ్యూనిటీకి ఓ ముఖ్యమైన సందర్శన స్థలం.దావూదీ బొహ్రా ముస్లింలు.. ఇస్మాయిలీ తయ్యిబి విధానాన్ని అనుసరించే ఇస్లాం అనుచరుల విభాగం. ప్రధాని కాకముందు నుంచే మోదీకి బొహ్రా ముస్లింలతో ప్రత్యేక అనుబంధం ఉంది.